Գազարով ձմեռային կեքս

Գազարը ձմռանն ամենից շատ օգտակար նյութեր պարունակող բանջարեղեններից է: Այնպես որ այն հաճախ ունեցեք սննդակարգում: Մանավանդ որ LN-ն օրիգինալ առաջարկ ունի ձեզ՝ գազարով կեքս…

Անհրաժեշտ է՝  400 գ ալյուր, 20 գ խմորիչ, 250 մլ տաք կաթ, շաքարավազ, 80 գ կարագ, 200 գ գազար, 50 գրամ փշրած պնդուկ:

Խմորիչը բացեք 4 ճաշի գդալ տաք կաթի մեջ, ավելացրեք մի քիչ ալյուր, լավ խառնեք, թողեք մի 20 րոպե: Ապա ավելացրեք նաեւ մնացած ալյուրը, կաթը, շաքարավազը, աղ, կարագը: Ստացեք խմոր: Ծածկեք խմորը սրբիչով եւ 1 ժամ թողեք հասունանալու:

Մաքրեք գազարը, անցկացրեք քերիչով: Երբ խմորը հասունանա, ավելացրեք գազարը, մանրացրած պնդուկը, շաքարավազը: Հանագամանալից խառնեք, խմորը բաժանեք 12 մասի, դրեք կեքսի կաղապարների մեջ եւ թողեք եւս 30 րոպե:

Ապա 25 րոպե եփեք կեքսերը ջեռոցում 180 աստիճանի պայմաններում: Եփեք մինչեւ վարդագունելը:

Բարի ախորժակ:

Հարցեր, պատասխաններ, մեկնաբանություններ